ԱրԲեՍ առողջության կենտրոն

ԱրԲեՍ ԱԿ-ն հիմնվել է 1999թ. և գործում է նախկին Արաբկիր մանկական հիվանդանոցի վերակառուցված մասնաշենքում: Մասնաշենքի վերակառուցումն ու վերանորոգումն իրականացվել է Արաբկիր Բժշկական Կենտրոնի և իր գործընկերների` շվեյցարական ՍԵՄՌԱ հիմնադրամի, Անմիջական օգնություն ընկերակցության (DAA), Շաֆհաուզենի Radio Munot, բելգիական NAF-Belgique ասոցիացիայի և SOS-Armenie կազմակերպության միասնական ջանքերով: 2005թ. ապրիլին ԱրԲեՍ ԱԿ-ում իր դռները բացեց Ցերեկային խնամքի և բուժման կենտրոնը` հատուկ կարիքներով երեխաների զբաղվածությունը կազմակերպելու նպատակով, ինչը խթան է հանդիսանում նրանց ինտեգրմանը հասարակության մեջ: Ցերեկային խնամքի և բուժման կենտրոնը կառուցվել է շվեյցարացի շինարար Լեո Գմյուրի կողմից շվեցարական Անմիջական օգնություն ընկերակցության (DAA), Արմենիանոս հիմնադրամի (Լիխտենշտեյն), ԿԱԶԱ բարեգործական հիմնադրամի աջակցությամբ` տիկին Բելլա Քոչարյանի հովանու ներքո:

• Զարգացման մանկաբուժություն, 
• Մանկական էնդոկրինոլոգիա/դիաբետոլոգիա և «Շաքարային դիաբետի դպրոց», 
• Վերականգնողական ծառայություններ երեխաների և մեծահասակների համար` 
• Ֆիզիկական թերապիա 
• Էրգոթերապիա կամ զբաղվածության թերապիա /occupational therapy/
• Մանուալ թերապիա /մեջքի ցավի կառավարման կենտրոն/ 
• Խոսքի թերապիա/լոգոպեդի ծառայություն 
• Ձեռքի թերապիա և սպլինտավորում 
• Հատուկ կրթության մանկավարժի, ինչպես նաև ձեռքի աշխատանքի մանկավարժի ծառայություն, 
• Հոգեբանասոցիալական ծառայություն, 
• Ատամնաբուժություն երեխաների և մեծահասակների համար

Նյարդաբանական, մտավոր և հոգեկան առողջության խնդիրներով, նաև զարգացման պերվազիվ խանգարումներով` աուտիզմով, երեխաների համար նախատեսված ծառայությունները տրամադրվում են Ցերեկային խնամքի և բուժման կենտրոնում, որն համալրված է հատուկ սարքավորումներով և ուսուցողական նյութերով, խաղերով հնարավոր լավագույն արդյունքն ապահովելու նպատակով: «ԱրԲեՍ» ԱԿ-ում գործում է նաև “Շաքարային դիաբետի դպրոց”-ը, որի նպատակն է կրթական ծրագրերի իրականացումը շաքարային դիաբետով երեխաների և նրանց ծնողների համար:

,,,